مــن فضــلك

من فضلك
-------------------

من فضلك اهتم بيا وحنن قلبك عليا
خليني احس اني حد مهم في حياتك

من غير ما تفرض شروطك وتعلي عليا صوتك
صدقني ياحبيبي انا دايما محتاجالك


ارجوك متهملنيش علشان اقدر اعيش
طمني متخوفنيش انا محتاجة الامان

قربني اكتر ليك خدني ما بين ايديك
خليني اشوف في عنيك كل حب وحنان


ياريت تفكر فيا وتعاملني بحنية
دي الكلمة الحلوة منك تفرق معايا كتير

بحبك اد الدنيا وبدعيلك كل ثانية
ترجعلي تاني بقلبك واحس بالتغيير
--------------------------------------


همسات من داخل قلب امرأة لا تطلب قصورا في السحاب
ولا جبال من الذهب ولكن كل ما تحتاجه

عقل يصدقها
حضن يحتويها
لمسة تحييها
كلمة تطمئنها
انسان يشعر بقيمتها
والمعاملة الطيبة
لا اكثر........