رسالة الى رفيق عمرى ****الالم...

صديقي العزيز
تحية طيبة وبعد

يا من رافقتني كل تلك السنين
خطاب لك اكتبه من دهر
منذ عمر ... منذ سنين

يا من غرقت في بسماتي
وعشقت ثواني وسنواتي

يا من لونت ضحكات عيوني وسكناتي
يا من لازمتني أكثر من أمي و أبي... من خالتي وعماتي


أسألك الرحيل
يا أيها الألم العزيز اللذيذ

ارحل...
وأعدك ... سأسأل عنك
وأحن إليك...
فأنا تكونت منك

يا أيها الألم الشقي الذي اعتاد علي...
أشفق عليك من الرحيل
أشفق عليك من الوحدة

ولكن ارحل

يا أيها الألم...

يا من سأتذكر كلما حاولت أن أنسى عبراتي...

ارحل

أم سترافقني حقا إلى المماتِ؟!

....

هل من الغباء أن أسألك الرحيل
أم من الذكاء...؟
وهل من الوفاء أن أسألك البقاء؟
أم أننا نحن... الأشقياء ؟!!!

كلمات جميلة ولكن هل تعتقدين ان الالم يترك الشخص
ان الالم ايا كان نوعه فانه لايترك الانسان قط
ان الانسان كلما تخلص من الم جاء له اخر
الظلم والخيانة والخداع وكسر القلوب
كل هذه انواع من الالم لا تترك الانسان ابدا
ولكن من يستطيع ان يتحمل كل هذا فانه بطل
شكرا على كلماتك ولكن من وجهة نظرى فان الالم لن يستمع الى رسالتك وان سمعها فانه لن ينفذها

اشكرك جدا جدا على مرورك وردك .
بس كان نفسى الالم يسمع الرسالة وينفذها

شكرا لاهتمامك فى الرد
ثانيا الالم اللى اقصده بيبقى معنوى والنوع ده من الالم مابينتهيش طول ما الانسان عايش
ولكن الانسان يستطيع انه يقاوم هذا الالم ويتصدى له ولا يسمح له بان يهز كيانه او يؤثر على حياته
وشكرا

مرسي على الكلام الجميل ده بس ليه الالم والحزن ده الحياه جميله ولكن يوجد بعض الاشياء التى تؤثر على الانسان ولكن يجب ان نتغلب على الالم
از يك يا هندسه انتا شكلك كده عاوز شحنه كهربه تفرفشك

ميرسى جدا لاخويا وحبيبى وصديق عمرى تايجر
على فكرة يا جماعة تايجر اهو جارى وحبيبى بس مش بنشوف بعض الا كل فين وفين علشان شغله هو وكورساتى انا بس الحمدلله الصداقة مش بتتوقف على حاجات زى دى برضه القلوب بتفضل مرتبطة وفاكرة بعض
ميرسى ليك تانى يا صاحبى وادعيلى ربنا يفرج همى

ميرسى ليك جدا بس فى الم معنوى بيكون شديد جدا وعايش معاه وللاسف ميقدرش يفارقه لسبب او لاخر وفى نفس الوقت مش قادر يقاومه او يتصدى ليه اوحتى يغيره فغصب عنه بيأثر عليه

مظبوط اكيد فى الم لازم يؤثر فينا بس احنا لازم نحاول على اد ما نقدر انه ماياثرش علينا جامد وانه ما يخليناش نكره حياتنا مظبوط ولا ايه

اشكرك جدا جدا على ردك وفعلا كلامك مظبوط وربنا يقدرنا على التعايش ونسيان الالم

اولا شكرا على اهتمامك بالرد
ثانيا على الغرم من انى باقول اننا لازم نتغلب على الالم بس فى الام مانقدرش ننساها بسهولة اينعم نقدر نتغلب عليها بس برضه هتفضل جوانا بس احنا لازم مانخليهاش تؤثر على حياتنا بعد كدة اه ما ننسهاش بس مش لازم تقف عائق ادام حياتنا