الفراعنة قاهرو الطليان

بطولة لن تنسى
بطولة رائعة
منتخب مصر
منتخب المعجزات
قاهر العمالقة
قاهر الطليان ابطال العالم
نعم لقد استحق منتخب مصر ذلك اللقب الذى اطلقته كل صحف العالم الاوهو قاهر العمالقة
فبعد مباراة قوية مع منتخب البرازيل وبعد ان خسر نقطة ثمينة بفعل الحكم وبعد ان لقن منتخب البرازيل درسا فى فنون الكرة وكسب احترام العالم باجمعه جاء الدور على منتخب ايطاليا وقد كان استطاع المنتخب المصرى ان يسجل اسمه بحروف من ذهب فى كتب التاريخ بعد انا استطاع ان يفوز على منتخب الازورى(لقب منتخب ايطاليا)بهدف للرائع المتالق محمد حمص بضربة راس من ضربة ركنية لعبها له محمد ابوتريكة الفنان فى الدقيقة اربعين من الشوط الاول واستطاع منتخب مصر بقيادة مدربه حسن شحاتة فى احتمال الضغط الايطالى الرهيب بقيادة العجوز مارشيلو ليبى لمدة خمس وخمسين دقيقة
واستطاع عصام الحضرى الذى عاد لمستواه الحقيقى ان ينقذ مرماه من اكثر من اربعة فرص كانت كفيلة بان تجعل منتخب ايطاليا يفوز على مصر ولكن الحضرى وخط دفاعه المنيع استطاع ان يحتمل ذلك الضغط الرهيب حتى اعلن حكم المباراة السويدى بانهاء المباراة معلنا فوز مصر فوزا تاريخيا على المنتخب الايطالى بطل العالم فى نسخته الاخيرة وصاحب الصولات والجولات فى بطولة الامم الاوروبية لكى يضع لدينا امل كبير وحلم مشروع فى التاهل للدور قبل النهائى والذى سيتحدد بعد مباراتنا مع المنتخب الامريكى يوم الاحد المقبل وذلك بعد ضمان منتخب البرازيل للتاهل بعد فوزه على منتخب امريكا بثلاثة اهداف نظيفة فى حين سيلعب منتخب ايطاليا مباراة رهيبة مع منتخب البرازيل فى نفس موعد مباراة مصر وامريكا فادعو لمنتخبنا
لتحميل الهدف
http://www.se7li.com/vb/showthread.php?p=105077#post105077

ميررسى ليك وفعلا كان ماتش ولا فى الاحلام ومش هيتنسى ... احنا واللاعيبه اتخدعنا بالفوز ده وادى فى الاخر اتغلبنا من اميركا اضعف فرق المجموعه وهى كمان اللى صعدت مع البرازيل ... واخدنا احنا وايطاليا مقلب وخرجنا ... انا عايزه اقول ان هو ده مستوى مصر الحقيقى فى ماتش اميركا مش زى ما شوفنا مع ايطاليا ولا البرازيل حتى .. ده كان مستوى خادع مؤقتا كده واهو راح مع اميركا ... اومال هنعمل ايه بقى مع رواندا والصعود لكاس العالم بالمستوى ده ومع فرقه كبيره زى الجزائر اللى اكتسحت الكل الحلم بقى صعب علينا اووووووى واحنا اللى صعبناه على روحنا ...  
وميرسى ليك مره تانيه وفى انتظار المزيد منك ان شاء الله

اولا شكرا على مرورك يانوسة وعلى كلامك الجميل
ثانيا فعلا انتى عندك حق
بس عايز اقولك حاجة ان احنا اتغرينا بنفسنا
اللعيبة نازلة الماتش وهى عارفين انهم فايزين على امريكا وبيفكروا فى ماتش اسبانيا وازاى هنوصل للنهائى دى حاجة الحاجة التانية ان حسن شحاتة غلط فى التشكيل بانه لعب احمد المحمدى اللى ماحدش معترف بيه الا حسن شحاتة وسايب احمد فتحى فى الدفاع ثالثا اللعيبة كانت نازلى تستعرض مهاراتها وماحدش كان خايف على الماتش الا ابوتريكة اللى عمل اللى عليه صراحة لكن اللعيبة الباقية كانو بيفكرو فى عقود الاحتراف
رابع حاجة ودى اكبر حماقة وخطأ فينا كمصريين الاعلام
الاعلام اللى خارب الدنيا واى انجاز يحصل بنوصل فى احلامنا وتوقعاتنا لحاجات بعيدة جدا يعنى الاعلام كله قال ايه
قالو ان مصر هى اللى هتفوز بالبطولة ةعلشان كدة اللعيبة كانت نازلة تحتفل
المهم ربنا يستر من ماتشات التصفيات لانه فعلا اللعيبة اثبتوا انهم يجيدون امام الكبار ويقعوا امام مدارس ليس لها باع فى كرة القدم
ومرسى تانى على مرورك
عقبال ماحد تانى يعبرنى