طريقة قلى البيض

النهاردة هنعمل بيض مقلى وان شاء الله بكرة نبقى نعمل المسلوق
الطريقةهى:-
1-لازم يكون عندنا بوتجاز علشان نعمل عليه البيض
2- لازم تكون فيه انبوبة علشان نشغل بيها البوتجاز
3-لازم يكون فيه كبريت نولع بيه فى البوتجاز قصدى نولع بيه الشعلة بتاعة البوتجاز
4- نشترى البيض
5-لازم يكون فيه سمن علشان نعمل بيه البيض
6-لازم يكون فيه طبق علشان نحط فيه البيض
7-لازم تكون فيه معلقة علشان ناخد بيها السمن
8- لازم تكون فيه معلقة تانية غير اللى فاتت علشان بعد مانعمل البيض نقطعه بيها
9-لازم تكون فيه سلة زبالة علشان بعد ما نعمل البيض نرميه فيها
وبالف هنا وشفا وبكرة ان شاء الله نقولكم طريقة عمل البيض المسلوق

الموضوع جيد بس انتا عرفته لوحدك

ياريت تشوف اي اكله تانى علشان ان مش بحبه

طالما انتا مبتعرفشي تعمل جاجه بتكتب ليه

انتا لو دخل المطبخ تانى انا هولع فيك لا اقصد فى المطبخ

ده كله وانا ماقلتلكموش لسة الا على طريقة قلى بيضة واحدة امال لما اقولكم على طريقة قلى بيضتين ولا تلاتة ولا اكتلر هتعملوا ايه
وبعدين يا عم تايجر المفروض المطبخ ده نشوف فيه شوية حاجات من الانسات اللى موجودين هنا ولا ايه يا رغودة انتى وسمسمة ولولا وروضة وبوسى ولا انتو فالحين بس يا رغودة افى انكم تفضلوا تهزأو فى الرجالة وخلاص اعملولنا حاجة حلوة كدة
وكدة يا عم سولى عايز تولع فيا قصدى فى المطبخ ماشى يا عم على العموم شكرا على ردك

انتى طماعة اوى يا رغودة هو انا هاقولكم على كل حاجة على العموم يا ستى انتى تمسكى البيضة وتطقشيها فى راسك وتقسميها وتحطى اللى فيها فى الطبق اللى فيه السمن اللى حطتيه بالمعلقة فى الطبق اللى موجود على الشعلة اللى على البوتجاز اللى ولعتيها بالكبريت باستخادم انبوبة الغاز و بعد كدة كلى بالهنا والشفا

بقى انا بعمل قسم للمطبخ علشان فى الاخر تقولولى بيض وشاى طيب كنت عملتلكم غرزة احسن ولا كشك على جنب (هههههههههههههههههههههه)

وانا عليا الكابتشينو بس مش اللى فى مج (هههههههههههههههههههههه)

اه غرزة منتدى معمول علشان شاى وقلى بيض يبقى نحوله غرزة احسن

يعنى يا عم تيوت احنا لقينا حد بيبعت وصفة اكل وقلنا لا
ماهم البنات اللى موجودين لازم يبعتولنا شوية حاجات كدة
ولا هما لما يتجوزوا هيعملوا ايه
اوعى يكونوا هيطلبو دليفرى
هههههههههههههههههههههههههههه
ده كدة بيوت اجوازهم هتتخرب

طيب مش عاجبنى اه يبقى الباب يفوت جمل ولا هتعملى انتى الاكل

تسلم ايدك يا ابو حميد بس انا عاوز اعرف ايه هى طريقة قلى بيضتين........

اشطة اوى قبل الجواز وبتعملى كده امال بعده هتعملى ايه

لا احسن حل اشوف حد ياكلنى وبالمرة ابقى اعزم الاعضاء وماتخافيش مش هعزمك ههههههههههههههههههه

ياروح قلبى مش هينفع اعزمك علشان الاعضاء هيتعزموا عندنا